350 கேடெட்டுகள் ஐ.டி., சைபர் பாதுகாப்பு டிப்ளோமா பெற்றனர்

காட்டாங்குளத்தூர்: எஸ்.ஆர்.எம். பல்கலைக்கழகம் மற்றும் அதிகாரிகள் பயிற்சிக் கழகம் (சென்னை) இணைந்து நடத்திய தகவல் தொழில்நுட்பம் மற்றும் சைபர் பாதுகாப்பு டிப்ளோமா திட்டத்தின் முதல் கட்டத்தில் 350 அதிகாரி கேடெட்டுகள் பட்டம் பெற்றனர்.

ஒரு ஆண்டு காலம் கொண்ட இத்திட்டம், எதிர்கால இராணுவ அதிகாரிகளுக்கு ஐ.டி., சைபர் பாதுகாப்பு மற்றும் தரவு பாதுகாப்பு தொடர்பான அறிவை வழங்கும் வகையில் வடிவமைக்கப்பட்டது. நாட்டின் சைபர் பாதுகாப்புத் திறனை வலுப்படுத்துவதே இதன் நோக்கமாகும்.

பட்டம் பெற்றவர்களில் 321 பேர் ஆண்கள், 29 பேர் பெண்கள். கல்விச் சிறப்பில் 16 பேர் தரவரிசை பெற்றுள்ளனர். கடுமையான இராணுவப் பயிற்சியுடன் இணைந்து கல்வி வழங்கப்பட்டதாக நிர்வாகம் தெரிவித்துள்ளது.

அதிகாரிகள் பயிற்சிக் கழக கமாண்டண்ட் லெப்டினன்ட் ஜெனரல் மைக்கேல் A.J. பெர்னாண்டஸ் மற்றும் பல்கலைக்கழக வேந்தர் பேராசிரியர் சி. முத்தமிழ்ச்செல்வன் உள்ளிட்டோர் நிகழ்ச்சியில் பங்கேற்றனர். தேசிய திறன் மேம்பாட்டில் பங்களிக்கும் முக்கிய முயற்சியாக இத்திட்டம் பார்க்கப்படுகிறது.